مقلب ام طالب للمدرس

عدد المساهمات : 11 تاريخ التسجيل : 09/10/2010

القصه حقيقيه حصلت لواحد مدرس وزميله في الزمن القديم ودائماً يرويها كبار المعلمين ومعروفه في ليالي السمر بين العامه^^ لذلك اعتبروها من باب الدعابه بدون تحفظات ،،

يقال في قديم الزمان

كان فيه واحد مدرس عزوبي توه متخرج وباشن بالوظيفة ومسوي فيها كشخه بالثياب والغترة والعطور ،، طبعاً الشاب هذا توه هواوي وفيه مراهقة ويحب يغازل ويفسر أي حركة على انها غزل ..

المدرس لاحظ ان فيه واحد من الطلاب شكله مهندم ومرتب ووسيم جداً^^
المدرس صار حساس من هالطفل وقال في نفسه دام هذا الطفل شلون أمه !! أكيد بتكون على مستوى عالي من الجمال ..
المدرس صار يصحح في دفتر الطالب ويكتب له عبارات الشكر والثناء على متابعة والديه في المنزل لعل والدته تلاحظ اخلاق المدرس الرائعه فتعجب به.

في يوم من الايام لاحظ المدرس ان الطفل يبتسم ويتودد له كعادة الاطفال في برائتهم .. فقال المدرس في نفسه : بس اكيد ان اامه اعجبت فيني .. وان الخطوه الجايه علي انا ^^
قال المدرس للطفل: سلملي على امك.
قال الطفل بكل براءه : طيب.

راح الطفل للبيت وقال لأمه : يمه الاستاد يسلم عليك.
عرفت الام مغزاه فسكتت وهي تفكر في حيلة تتخلص بها من ازعاجات هذا المدرس ^^
اخبرت زوجها بالأمر واتفقا أن يعالجا الأمر بحكمة وأن يلقناه درس لن ينساه..
قامت الام واخذت منديلاً ورشت عليه بعضاً من العطر النسائي الجذاب واعطته لابنها وقالت له: اعط المنديل لمدرسك وقل له امي تسلم عليك وتقول تقهوى بكره عندنا بعد العشاء ..

راح الطفل للمدرسة واعطى المنديل للاستاذ وقال له امي تسلم عليك وتقول تعال بكره بعد العشاء تقهوى عندنا ..
اخذ المدرس المنديل وضمه فإذا ريحته رومانسية جذابة قاتله تسلب الفؤاد وتحلق بالمشاعر ..
لم يصدق المدرس نفسه وكاد ان يطير فرحاً فكيف بأم لهذا الولد الوسيم ان تعجب فيه .. جلس يومه ذلك كله يتخيل كيف ومتى ستكون لحظات اللقاء ..
كان لهذا المدرس زميل في العمل وكان يخبره بكل شئ ويفتخر بأنه يتفوق عليه في فنون الغزل.

في الموعد المحدد ذهب المدرس وكشخ بالملابس والعطور وذهب بعد صلاة العشاء لبيت الطالب ..
وما أن أوقف سيارته امام البيت واذا بالباب يفتح قليلاً والطالب واقف أمامه يناديه ويقول له : تفضل يا ستاد ^^
أدخل الطالب استاذه في آخر البيت واجلسه في احدى الغرف ..
وشوي وإلا ام الطفل تسلم عيه من ورى الباب وتقول :يا مرحبا ،، عزيز وخطوة غاليه !!
قال المدرس: الله يسلمك اجل وين ابوكم؟
قالت: ابونا مسافر وبيتأخر في سفره ولاهو جاي قريب.
ثم قالت له : وش تشرب.
قال عصير حلاه واجد.

وأثناء ذلك وباتفاق مسبق بين الزوجين طرق الزوج الباب بكل قوه انخض معها قلب المدرس وهو يقول: أم فلان افتحي الباب؟؟ أم فلان افتحي الباب؟؟
وقف المدرس مذهول وخايف وقال منهو ذا راعي الصوت اللي يطق باب البيت عليهم ؟؟؟
سارعت المرأه للمدرس وقاااالت: يا فضيحتي هذا زوجي ابو عيالي وش جابه الحين والله ان كشفنا غير ان يذبحني أنا وياااااك .؟؟
اصفر وجه المعلم وأيقن بالهلاك وقال : والعمل الحين وشهو بسرعه؟
قالت :عندي فكره باعطيك ملابس وسخه وعمامه البسهن وبأعطيك محفره .. وبقول له هذا عامل جايبته عشان يرقي أو يطلع بلك الطين اللي عندنا بالحوش لفوق السطح واني اتفقت معه على عشرين ريال ^^
قال المدرس: خلاص وهو خايف وخانق على حاله.

دخل الزوج ولما شاف الرجال الغريب وسط بيته عبس وفهر بوجهه وتململ قال: من هذا الرجال الذي في بيتي يا حرمه؟؟
فالت : ابد يابو فلان انت عارف ان عندنا بلك طين كثير في الحوش مضيق علينا وقلت اجيب واحد يرقيه فوق السطح وهذا العامل اللي اتفقت معه ..
قال الرجل: خلاص عطيني شاهي وقهوه باتقهوى في الحوش حتى يخص تطليع البلك ..

انطوت الحيله على المدرس .. ظل طوال الليل حتى ما قبل الفجر وهو يشيل البلك من حوش البيت ويطلعه فوق السطح مع الدرج حتى تعب وانهكت قواه وكاد أن ينقطع نفسه ويموت ^^ والرجال وحرمته جالسين في الحوش وهم يضحكون عليه ..
عندما أنهى تطليع البلك كله عطوه اجرته وتركوه ينصرف كأنه عامل عادي .. بعد أن خرج ضج الرجل مع زوجته بالضحك والتعليقات على موقف هذا المدرس الذي لا يحسد عليه وما اصابة من تعب وإنهاك واعياء ..

غاب المدرس عن عمله يومين تقريبا بسبب التعب والارهاق والقهر والغيظ .. ثم عاد لدوامه.
فهم المدرس ان ما حصل له حيله مدبره وقع فيها فكتم حقيقة القصه عن زميلة لكي يسلم من لذعاته وسخريته.
في اليوم التالي قال له زميلة: هاه بشر يا فلان وش العلوم ؟وش سويت؟ عساك انبسطت؟
قال : لا ابشرك العلوم زينه ^^ وناسه وفلة حجاج .

فكر المدرس الثاني في نفسه وقال ليه ما اسوي مثل دامه انبسط.
راح سوى نفس الطريقه مع نفس الطالب وقاله سلملي على امك..
الطالب راح لامه وقالها نفس الكلام.
طبعا نفس اللي حصل مع زميلة حصل له ولكن ؟؟؟
لما راح ودخل في البيت وطق الباب زوجها ودخل عليهم وقال من ذا؟؟
قالت : ابد عندنا شوية بلك طين فوق السطح خايفه لا يجيه مطر يخربه علينا .. واتفقت مع هذا العامل عشان ينزله بعشرين ريال !!
طلب الزوج قهوه وشاهي وجلس طول الليل يتابعه وهو ينزل في البلك اللي طلعه خويه وهم بالحوش يتمتمون ويضحكون عليه من شدة تعبه وارهاقه ،، وفي الاخير وقبل الفجر عطوه حسابه وتركوه ينصرف..

لما راح المدرس للعمل وقابل زميله راعي الأوله: قال ها يا فلان بشر عساك ابنسطت وروقت ؟؟
التفت عليه وقاله: أي انبسطت وروقت!! إلا لقيت ما لقيت وانزلت ما أرقيت !!!!
أي واجهت ما واجهت وانزلت ما طلعته انت من بلك^^

ضج الإثنان بالضحك وهما يتأملان حالهم مع هذا المقلب الذي كان لهم درس لن ينسوووووه ابداًً